I'm Introvert

Kya Introverts brain slow respond karata hain?

Hey introverts, kya kabhi aapke saath aisa hua hain, ki aap apana koi kaam kar rahe ho ya fir aise he baith kar kuch soch rahe ho aur achanak se koi aapke paas aata hain aur aapse kuch puchata hain aur vo vyakti aapke javaab ka intajaar kar raha hain lekin aap apane kaam me ya soch me itana doobe huye the ki pahale to kuch seconds ke liye aap ko samaz he nahi aata ki aapse usane kya pucha, fir jab aap ko samaz aa jata hai to aap ye sochate ho ki ab aapko kya bolana hain lekin jab aap ye sab soch rahe hain uss vakt vo vyakti jisane aapse kuch pucha hain, aap ki taraf besabari dekh raha hain lekin aap abhi tak javaab ke bare me soch rahe ho aur kuch seconds baad aap javaab soch lete ho use batate ho. Fir vo aadami aap par hasata hain aur ye kah kar chala jaata hain ki app bohot slow ho.

Aur agar aisa aap ke saath nahi hua to aapne apane kisi introvert friend ke saath aisa hote huye to jarur dekha hoga. Lekin kya aapne kabhi socha hain ki aisa aakhir hota kyu hai? Aakhir kyu kuch introverts kisi baat ka javaab dene me der laga dete hain? Ya kyu vo kuch kaam bohot dhire karate hain?

Aisa hone ke piche ke do mukhya kaaran jaanane ke liye, padhate rahiye.

Reasons Why some introverts are Slow

Introverts ka brain unake thaughts me busy rahata hain

Jaisa ki maine pahale bhi kaha hain, introverts hamesha kuch na kuch sochte rahate hain aur introverts sirf sochate nahi hain balki uss soch me poori tarah se doob jaate hain. Main bhi ek introverts hu aur jab main kuch soch raha hota hu aur to main usame itana kho jata hu ki muze mere aas paas kya chal raha hain usaka pata he nahi rahata aur aise me muze achanak se koi kuch pooche ya kuch kahe to muze apani gahari soch se bahar nikal kar uss vyakti ki baat ka javab dene me samay lagata hain kyu ki us vakt main apani soch me bohot jada concentrated hota hu aur yahi jadatar introverts ke saath bhi hota hain.

Ye to ho gai bolane ke liye der karane ki baat ab baat karate hain koi bhi sadharan kaam bohot dhire karane ke bare me, jaise ki khana khana, udaharan ke liye maan lijiye ki koi introvert vyakti khana kha raha ho aur usake dimag me koi vichar aa ajaye aur vo usake bare me utane he concentration ke saath sochane lage to usaka apane khane par dhyan kaise rahega, aise me usake khana khane ki gati kam hona to svabhavik hain. Yahi baat aise sabhi kaamo par bhi laagu hoti hain jisame jada concentration ki jarurat na ho.

Most of the introverts are perfectionist

Majedaar baat to ye hain ki, aise kaam jiname jada concentration ki jarurat nahi hoti, introverts uss kaam me dhyan na hone ke karan usse dhire karate hain to aise kaam jiname jada concentration ki jarurat hoti hain, bohot jada dhyan dene ke karan dhire karate hain.

Jadatar introverts perfectionist hote hain, ham har kaam me Perfection dhundate hain aur usame kisi bhi tarah ki koi bhi kami rah jaye ye ham bilkul bhi pasand nahi karate, lekin har baar hame koi na koi kami najar aa he jaati hain aur use he thik karate-karate samay ka dhyan he nahi rahata. Isiliye kisi bhi kaam ko karane me hame bohot jada samay lag jaata hain, aur fir bhi aisa bohot kam hota hain ki ham kisi bhi kaamse poori tarah santusht ho jaye aur usame koi kami na dhund paaye.

Leonardo da Vinci bhi ek introvert aur perfectionist the aur unaki perfection ki misaal “Mona Lisa” ke bare me to har koi jaanata hain lekin bohot log shayd ye nahi jaanate ki uss painting ko banane me Da Vinci ne kai saal laga diye the aur sirf Mona Lisa he nahi balaki Da Vinci har painting ko banane me bohot jada samay laga dete the aur isaka karan unaka perfectionist hona he tha.

Conclusion:

Iss article se ham yahi nishkarsh nikal sakate hain ki, kisi vyakti ka slow hone matalab ye nahi hain ki vo vyakti kam intelligent hain ya usee koi problem hain ya usaka brain slow hain jaisa ki bohot log samazte hain, usake slow hone ka matlab ye bhi ho sakata hain ki vo ek introvert hain.

Kya introverts ko lockdown se fark nahi padata?

Maine social media par kai logon ko aisa kahate huye dekha hain ki “quarantine days ya lockdown se introverts ko koi fark he nahi padata” lekin kya sachme aisa hain? Kuch introverts ke liye shayd ha lekin sabhi ke liye, bilkul nahi.

Aaiye ise vistar se samazate hai.

Psychology of Introverts in lockdown

Myers-Briggs method ke mutabik introverts ki 8 personalities hoti hai,

INFJ (Introversion+ Intuition+ Feeling+ judging)

INFP (Introversion+ Intuition+ Feeling+ Perceiving)

INTJ (Introversion+ Intuition+ Thinking+ Judging)

INTP (Introversion+ Intuition+ Thinking+ Perceiving)

ISFJ (Introversion+ Sensing+ Feeling+ judging)

ISFP (Introversion+ Sensing+ Feeling+ Perceiving)

ISTJ (Introversion+ Sensing+ Thinking+ Judging)

ISTP (Introversion+ Sensing+ Thinking+ Perceiving)

In sabhi alag-alag personalities ke log alag-alag chijo ko alag-alag tarike se anubhav karate hain.

Aur ajj ham baat kar rahe hain lockdown me introverts ki manasikata (psychology) ke baare me, to isame aur bhi kai Factors aa jate hain jaise ki, jis introvert vyakti ke baare me ham baat kar rahe hain vo lockdown se pahale kaha aur kis paristhiti me tha, vo ab kaha aur kis paristhiti me hain, lockdown ke baad use kaha jaana padega,ityadee.

To 8 prakar ki Personalities ke introverts aur unaki alag-alag paristhitiya mila ke asankhya sambhavanao ka bina koi vishleshan kare usaka ek line me yah nishkarsha maan lena ki “Lockdown se introverts ko fark nahi padata” mere mat se sahi nahi hoga.

Jaise kuch introverts apane kaam ke prati bohot jada samarpit hote hain aur lockdown me kaam ruk jaane ki vajah se ve bohot jada tanaav bhi aa sakate hain aur dusari taraf kuch introverts iss baat se khush bhi ho skate hain ki unhe kuch naya karane ke liye vakt mil gaya.

No one is 100% introvert or extrovert

Jo introverts lockdown me apane parivaar ke saath ya fir 2-3 kuch bohot karibi logon ke saath hain aur vo jab chahe tab akele me bhi samay bita sakate hain, jinamese se main bhi ek hu, to hamare liye chije saamanya ho sakati hain lekin jo introverts kahi ekdam akele fase huye hain ya fir aise logon ke saath hain jo unake bohot karibee na ho, un introverts ko thodi pareshani to jarur hogi.

Jaisa ki ham jaanate hain ki koi bhi vyakti 100% introvert ya 100% extrovert nahi hota, jaise har extrovert kabhi na kabhi akele me bhi samay bitata hain vaise he har introvert ko dusare logon ke saath interaction ki bhi jarurat hoti hain, fir vo log har introvert vyakti ke liye alag-alag ho sakate hain, kisi ke liye usake kuch khaas friends ho sakate to kisi ke liye kuch khaas rishtedaar ye poori tarah uss introvert vyakti par he nirbhar hain.

Conclusion:

To iss chote se article ka saar yahi hain ki, Kuch introverts ke liye ye lockdown ya quarantine ke din shyad koi Lottery jeetane ki tarah hain to kuch ke liye shayd ek aur Negative Overthinking ka kaaran aur kuch introverts ko koi jada fark he nahi pada ho.

Chahe paristhiti kaisi bhi ho har introvert use apani alag-alag personalities ki vajah se alag-alag tarike se anubhav karate hain.

Hame comment karake jarur bataye ki aap in lockdown ke dino ko kis tarah anubhav kar rahe hain.

Aasha hain ki aapko yah article jarur pasand aya hoga, hamase aise he jude rahe aur comment box me apana feedback jarur dee

Introverts gap-shap karana kyu pasand nahi karate?

Aksar log introverts ke jada baat na karane ki aadat ko galat samz kar ye maan lete hain ki introverts dusare logon ko pasand nahi karate lekin ye bilkul bhi sach nahi hain aur aisa bhi nahi hain ki introverts ko baate karana pasand nahi hota.

Asal me introverts gap-shap karana pasand nahi karate kyu ki vo Meaningless hoti, jabki Introverts gahari baate karana pasand karate hain, aisi baate jisase unhe kuch sikhane ko mile ya aisi baate jo unhe gahari soch me dalde.

Reasons Why Introverts Hate Small Talk

Introverts are Deep Thinkers

Jadatar introverts hamesha apane sochme doobe rahate hain aur kisi bhi chij ke bare me gaharaise sochana pasand karate hain, iss vajah se ve gap-shap karake Timepass karane se jada kisi interesting topic par sochane ko pradhaanata dete hain.

Agar aap ek extrovert hain to ho sakata hain ki shayad aap iss baat ko samaz nahi paa rahe ho, to ise ek example se samzne ki koshish kare,

Maan lijiye ki aap ko ek bohot he jada hard puzzle solve karana hain aur use solve karane ke liye aapke paas sirf 6 ghante hain to kya aap un 6 ghanto me puzzle ke bare me sochane ki bajaye betuki baate ya gap-shap karate rahenge? Nahi na…

Aur introverts ke paas to aisi kai saari chije hoti hai sochane ke liye.

Overthinking

Introverts ko interesting chijoke bare me sochte rahana pasand hota hain lekin yahi jada sochane ki aadat introverts ke liye tab pareshani ka karan ban jaati hain jab unaki soch ka Vishay koi nakaratmak vichar ho aur durbhagya se uss vichar ko dimaag se nikalana kuch introverts ke liye asaan nahi hota. Halaki overthinking ko rokane ke kuch tarike hain lekin fir bhi ise puri tarah se rokana bohot jada mushkil kaam hain.

Aur yahi negative overthinking introverts ke jada gap-shap na karane ke karanome se ek hain, vo kaise? Ye ham Suresh ke example se samazte hain,

Ek Suresh naam ka ladaka janm se he introvert tha. Ek din vo apane ghar ke samane vaali deevaar par painting kar raha tha, tabhi vaha se usake pados me rahane vale ek bujurag kahi ja rahe the. Unhone jaate-jaate Suresh ko painting karatahua dekhke pucha “are beta painting kar rahe ho?” aur suresh ne kaha “haa” lekin uss din Suresh ka awaaj thoda baitha hua tha to usane socha “unhe mera awaj sunai diya hoga ya nahi?” tab tak vo bujurg to ja chuke the lekin ab Suresh ki jada sochane ki aadat ki vajah se usake man me kuch aise savaal aane lage,

“unhe mera awaj sunai diya hoga ya nahi?”

“agar nahi sunai diya hoga to vo kya soch rahe honge?”

“agar unhe laga hoga mai kuch bola he nahi to kahi vo muze ghamadi to nahi kahenge?”

“unhone meri ek baar madat bhi ki thi, vo muze aisan faramosh to nahi samz rahe honge?”

Vagera-vagera… aur na jaane Suresh aise he kitani der tak uss ek chij ke bareme he sochata raha.

Agar iss tarah ka 2 lines ka sambhashan introverts ke man me itane negative vichar la sakata hain to introverts ka jada gap-shap karane ko pasand na karana to jaahir si baat hain.

Asal me introverts ka jada gap-shap karane ko pasand na karana unake avachetan man dvara negative vicharo se bachane ke liye banaye gaye Defence ki tarah hain.

(Jaise Dar bhi hamare avachetan man dvara kisi bhi khatare se bachane ke liye banaya gaya Defence hain)

Small Talk Creates Barrier between People

Mashahoor Psychologist aur Laurie Helgoe apani kitaab “Introvert Power” me likhati hain,

“Introverts do not hate small talk because we dislike people, we hate small talk because we hate barrier it creates between people”

Aap iss baat se jarur sahamat honge ki jab log (jo ek dusare ke jada karibi na ho) aapas me gap-shap karate hain tab vaha moujood koi vyakti dusare ki kahi gayi kisi baat se sahamat nahi bhi hoga tab bhi 10 me 8 bar vo aisa dikhata hain ki vo uss baat se sahamat hain ya fir kam se kam usaka khulake virodh nahi karata, usi tarah aise kai nakali dikhave kiye jate hain aur iss vajah se vo kabhi bhi apane vichar khul ke ek dusare ke samane nahi rakh paate, isase aapas me galataphahamee bhi badhane lagati hain, isake kaaran vo kabhi bhi ek dusare ke saath bhaavanaatmak roop se nahi jud paate aur introverts yahi sab chijo se nafarat karate hain.

Jadatar Introverts behad sanvedanasheel (sensitive) hote hain, unhe logon ke bich manamutaav hona bilakul pasand nahi hota.

Introverts don’t want to hurt people

Kyu ki Introverts behad jada sanvedanasheel (sensitive) hote vo baaki logon ki bhavanao ka bohot aadar karate hain. Aur jab had se jada sanvedanasheelata aur overthinking ke karan introverts dusare logon ki bhavanao ke baareme bohot jada sochate hain aur vo nahi chahate ki unaki kisi baat ki vajah se galati se bhi kisi ko bura lage ya dukh ho fir chahe kisi ko bura na bhi laga ho fir bhi introverts ye sochkar pareshan hote rahate hain ki "kahi meri kisi baat se kisi ko bura na lag jaye" aur ye bhi introverts ke jada baat na karane ka ek karan hain.

Few words from I’m Introvert

Iss article me diye gaye sabhi kaaran, introverts ke gap-shap ko pasand na karane ke kuch mukhya karan hain aur in karano ke alava bhi kuch hare k introvert ke kuch anya vyaktigat kaaran ho sakate hain.

Agar aap ko hamara yah article pasand aya to ise Share jarur kare aur comment box apana feedback jarur de taki ham aapko aur bhi behatar seva pradan kar sake.

Also read: How to stop overthinking?
Can an introvert become an extrovert?
Types of Introverts

Thank you!

Can an introvert become an extrovert? | Kya introverts, extroverts ban sakate hain?

Can an introvert become an extrovert? Agar iss savaal ka javab ek shabd me diya jaye to vo hoga “Nahi” lekin…lekin..lekin…

Aap ne shayad kuch logon ko aisa kahate huye suna hoga ki “Mai pahale introvert tha lekin fir aisa hua / mai isase mila aur fir mai extrovert ban gaya” aur vigyan kahata hai ki aisa nahi ho sakata lekin isaka matalab ye nahi hain ki vo vyakti jhooth bol raha hai, asal me vo vyakti apane aap ko thik se samaz nahi paya hain. Ise samazne se pahale ham ye jaan lete hain ki aakhir kyu introverts, extroverts me nahi badal sakate?

Why an introvert can’t be an extrovert?

Dr. Marti Olsen Laney ki book The Hidden Gifts ofthe Introverted Child; Helping Your Child Thrive In An Extroverted World ke mutabik, ek bachche ka svabhav usake janm se he usake sath ata hai lekin usake mata–pita aur usake aas paas ke log bhi usake svabhav par asar dal sakate hain.

Lekin bachche ke introversion ya extroversion ke bare me baat karate huye vo iss baat par jada jor deti hai ki bachche ka introvert ya extrovert hona bachche ke genes par baaki kisi bhi karan se jada nirbhar hota hain.

Aur ye book unhone kai neurological researches ke aadhar par likhi hain. Isiliye ye puri tarah se scientific hain.

Why do people think they changed to introvert from extrovert? | Log aisa kyu sochate hai ki ve introvert se extrovert me badal gaye?

Agar introvert ya extrovert hona hamare genes par nirbhar hain to kuch log aisa kyu kahate hain ki ve pahale introvert the aur kisi karan se extrovert ban gaye ya pahale extrovert the aur fir kisi karan ya ghatana se introvert ban gaye?

Isaka ek karan hain, apane aap ko thik se na samaz paana. Kuch log apane aap ko thik se samz he nahi paate, ise ham Ramesh ke example se samazte hain,

Ek Ramesh naam ka ladaka bachapan se he sharmila tha, vo kisi naye vyakti ke saath baat karane se sharmata tha aur isee vajah se vo apane aapko introvert samazne laga lekin ham jaanate hai har sharmila vyakti introvert ho aisa jaruri nahi hai lekin Ramesh ko ye baat nahi pata thi kyu ki Ramesh ne hamara INTRODUCTION ANDMEANING OF INTROVERT ye article nahi padha tha. Kuch din baad Ramesh ek seminar me gaya jisame usane apana sharmila pan dur karane ka tarika sikha aur usake baad usaka sharmila pan jaise gayab he ho gaya, usake baad se vo kisi se bhi aasani se baat kar leta aur isase use bohot acha lag raha tha to use lagane laga ki vo introvert se extrovert me badal gaya hai. Lekin asal me, vo to pahale se he extrovert tha abhi to sirf usaka sharmila pan dur hua tha.

To Ramesh ki tarah he log kabhi-kabhi apane svabhav ko samazne me galati kar baithate hai. Isiliye Introversion aur Extroversion ko thik se samazna bohot jaruri hain aur yahi hamari website I’m Introvert ka uddeshya hain.

Few words from I’m Introvert:

Agar aap introvert hain to mai aap se itana he kahunga ki aap ko extrovert banane ki jarurat bhi nahi hain aur aap extrovert banana chahate bhi kyu hain? Aapke aas paas ke log extrovert hain isaka matalab ye nahi ki aapka bhi extrovert hona jaruri hain. Aapki apani khubiya hain aur extroverts ki bhi apani khubiya hain isliye aap jaise hai ekdam sahi hai.

Aur agar aap extrovert hain to mai aap se kahunga ki aapke aas paas agar koi vyakti introvert hain to please use extrovert banane ki koshish na kare ye uss vyakti ke liye anxiety ya depression ka karan bhi ban skata hain.

Mai aasha karata hu ki aapko yah article pasand aaya hoga. Agar aap aise he articles padhana chahate hain to hamase jude rahe aur comment box me apana feedback jarur de taki ham aapko aur bhi behatarin seva pradaan kar sake.

Also read : 4 TYPES OF INTROVERTS IN HINDI | INTROVERTS KE 4 PRAKAAR

How to stop overthinking?

How to stop overthinking? | jada sochna kaise roke? Ye savaal kai introverts ko pareshan karata rahata hain our mai bhi unme se he ek tha lekin muze kuch aise tarike mile jisase mai apani overthinking ki aadat se saamanaa kar paaya jinake bare me aaj aap iss article me jaanenge, lekin usase pahale introverts ko jada sochane ki bimari kyu hoti hain (kuch introverts ko) ye jaan lete hain.

Why Introverts Overthink?| Introverts jarurat se jada kyu sochate hain?

Dr. Laurie Helgoe ke mutaabik, researchers ne kai logo ke dimaag me hone vaale electrical gatividhee (electrical activity) ki jaach kee aur researchers ne ye paaya ki, introverts ke dimaag me hone vaali electrical activity extroverts ke dimaag me hone vaali electrical activity se jada thi, fir chahe vo koi kaam kar rahe ho ya aaraam kar rahe ho.

Ise ham dusare shabdo me kuch iss tarah explain kar sakte hain, introverts aaraam kar rahe ho ya koi kaam kar rahe ho unake dimaag me ho rahi activity hamesha hee extroverts ke mukaabale jada hoti hain, matlab introverts ka dimaag ek second me extroverts ke dimaag ke mukaabale jada information ko process karata hain.

Iss wajah se ham introverts kisi bhi chij ke bare me jada sochane lagate hain.

Hamaare overthinking ka dusara kaaran hain hamaare dimaag ke doo areas, Frontal cortex and Broca’s area ka jada active hona.

Neuroimaging studies me dimaag ke ye dono areas jo overthinking se sambandhit hain, introverts me bohot jada active paye gaye.

Frontal cortex: Frontal cortex yaad rakhane, yojana banaane, nirnay lene aur samasya ko hal karane ke liye jimmedaar hota hain aur yah sabhi chije overthinking se sambandhit hain.

Broca’s area: Broca’s area apane aap se baate karane ke liye jimmedaar hain jo ham overthinking ke dauraan hamesha karate hain.

5 Tips to Stop Overthinking

1. Write your thoughts | apane vicharo ko likhiye

Apane dimaag me chal rahe vichar kisi kagaj par likhane se overthinking se bacha ja sakata hain.

Jab aapke man me kisi bareme bohot saare vichar chal rahe ho to un sare vicharome se positive (sakaratmak) vicharo ki ek list banaiye aur sath he negative (nakaratmak) vicharo ki bhi ek list banaiye. Fir aap chahe to negative vicharo vaali list ko phaad kar fake bhi sakte hain aur sirf positive vicharo par apana dhyan laga sakate hain.

Aisa karane se aapka man halaka ho jayega aur aapko overthinking se bahar aane me madat milegi.

2. Ask yourself a question |apane aap se ek prashna puchiye

Jab ham bhavishya me hone vali kisi baat ko lekar bohot jada sochane lagate hain aur usase pareshan hote hain tab iss soch se bahar nikalane ka ek prabhavi tarika hain uss ghatana ke bare me sochne ki bajaye ye sochna ki ham aisa kya kar sakate hain ki vo ghatana hamare ichha ke anusaar ho.

Aise vakt me mai apane aap se ek savaal puchata hu,

“kya mai aisa kuch kar sakta hu jisase bhavishya me hone vaali vo ghatana mere ichha anusaar ho?”

Agar isaka javaab haa milata hain fir to chinta karane ka koi karan he nahi rah jata, kyu ki ham jo kar sakte hai ham vo jarur karenge.

Aur agar isaka javaab nahi milata hain to mai apane aap se kahata hu “jab mai iss bare me kuch kar he nahi sakata to chinta karane se kya hoga” aur mai apana dhyan dusari or leke chala jata hu.

Note- Yah tarika aap apani soch me bohot jada doob jaane se pahale, matalab jab aap ko lage ki aapaka dimaag overthinking shuru he karane vaala hain tab aasamayenge to jada karagar saabit hoga.

3. Cry | Roiye

Rona kuch logo ko ajib lag sakta hain lekin vigyan kahata hain ki rone se hamaare shareer se kafi matra me stress hormones bahar nikal jaate hain.

Jab ham kisi chij ko lekar bohot jada sochane lagate hain, hame uss baat ko lekar chinta hone lagati hain aise vakt me agar rone ka man kare to apane aapko ronese nahi rokana chahiye.

4. Read books

Duniya me har samasya se nipatane ke liye koi na koi book to mil he jayegi. Hamari samasya overthinking hain aur isase nipatane ke liye bhi kai books hamari madat kar sakati hain. Niche diye hue doo books bhi unamese he hain aur inse muze bhi kaafi madat mili hain.

How to StopWorrying and Star Living by Dale Carnegie

The SubtleArt of Not Giving A F*Ck by Mark Manson

These books can help you to stop overthinking.

5. Realize that you can’t control everything | sab kuch aap ke niyantran me nahi hain ise samaze

Ham chahe kitani bhi koshish karale lekin ham hamari life me hone vaali sabhi ghatanao ko apane hisaab se niyantrit nahi kar sakate ye sach hame svikaar kar lena chahiye.

Jin ghatanao ka niyantran aap ke hath me he nahi hain unake baare me bar-bar sochane se kuch nahi hoga aur kya pata aap jaisa soch rahe hain, bhavishya me vaisa kuch bhi na ho aur sab kuch aap ki ummid se bhi jada acha ho jaye.

Mai aasha karata hu ki yah "How to stop overthinking?" article aapko pasand aaya hoga aur ummid hai ki aapko isase apani overthinking ki aadat se ladhane me madat milegi.

Aise he informative articles padhane ke liye hamse jude rahe aur comment box me aap hame apane suzav de sakte hain taki ham aapko aur bhi behatar seva pradaan kar sake.

Thank you!

Types of Introverts

Wellesley College me psychology ke professor Jonathan Cheek ke mutabik duniya me 4 types of introverts hain, social, thinking, anxious and restrained. Lekin ve aisa bhi kahate hain ki kai introverts asal me in sabhi prakar ke introverts ka combination hain.

Kisi bhi introvert person ko samazne ke liye, ya fir agar aap khud introvert hain to apane aap ko samazne ke liye in 4 types of introversion ko samazana jaruri hain.

To chaliye jaan lete hai introverts ke 4 prakar.

4 Types of Introverts

Social Introvert:

Social introvert vyakti vo hota hain jo apna jyadatar samay akele me bitana pasand karta hain. Social introverts ya to kuch 2-3 khaas logo ke sath samay bitayenge ya fir akele me samay bitayenge. Bohot saare logon ke saath party karna ya fir logon ki bhid me rahana social introverts bilkul bhi pasand nahi karte.

Thinking Introvert:

Hameshya kisi gahari soch me dube rahana, din me sapane dekhana our khud ki he duniya me khoye rahana ye Thinking introvert hone ke lakshan ho sakate hain.

Lekin kabhi-kabhi log aise vyakti ko bhi thinking introvert samazane ki bhul karate hain jo kisi chij par dhyaan kendrit nahi kar paata, aisa keval dhyaan ki kami ke karan hota hain,aisa jaruri nahi ki vo vyakti introvert he ho.

Thinking introverts ko rachanatmak tarike se imagine karana achaa lagta hain. Jyadatar thinking introverts creative hote hain our unki imagination power bhi achi hoti hain.

Anxious Introvert:

Jab kisi vyakti ko apane samajik koushal ke prati aatmavishavaas nahi hone ke kaaran vo logon ke bich jaane se apane aap ko rokata hain ya sankoch karata hain, aise vyakti ko ham Anxious introvert kahate hain.

Lekin jab anxious introverts akele hote hain tab bhi unaki anxiety kam nahi hoti, ve ye soch kar pareshan hote hain ki, “kaash maine vaisa bolane ki bajaye aisa bola hota” ya fir “agar maine ye kiya hota to kitana bura ho sakta tha”, etc. ve saalo pahale unhone boli hui kisi sharmanak baat ko soch kar aaj bhi pareshan hote hain. Kai saare negative vichar kai bar unhe pareshan karate rahate hain.

Restrained Introvert:

Restrained Introverts kuch bhi bolane ya karane se pahale sochana prefer karate hain. Ve baaki logon ki tarah subah uthate he urjatmak mahasus nahi karte unhe. Dheemi gati se kam karke relax karana restrained introverts pasand karate hain.

Ye sabhi 4 types of introverts ko jaan lene ke baad aap kis prakar ke introvert hain ye to aap jaan he gaye honge.

Apane introversion ko our achese samazne ke liye ya apne aas paas ke introverts ko samazne ke liye hamare saath jude rahe. Our comment box me apane suzav aap hame de sakte hain taki ham aapko our bhi behatar seva pradan kar sake.

Introduction and Meaning of Introvert

Introvert ka matlab kya hota hai? Introvert ka english me translation Antarmukhi (अंतर्मुखी) hota hai, lekin isase Introvert ka sahi matlab samaz me nhi ata.

Introvert kya hota? Introvert ka matlab kya hota hai? Introvert kise kahte hai? Our introvert kise nahi kahate? In sabhi sawalon ke jawab aap ko aaj iss article me milenge.

Definition of introvert:

Introvert vyakti vo hota hai jo apni urja bahari duniya ki our nirdeshit karane ki bajaye khudke hee vaicharik gatividhiyon me our apni andharuni duniya ki our nirdeshit karta hai.

Aasan shabdo me kaha jaye to jo vyakti bahari duniya me ghulane-milane ki bajaye akele me samay bitana pasand karate hai unhe ham introvert kah sakate hai.

5 Signs of an introvert:

1. Akele me samay bitana:

Introverts jyadatar akele rahana pasand karte hai.

Introverts bahari duniya key a bheed se jyada der tak sampark me aane ke baad thakahua mahasus karate hai our akele me samay bitane par relaxed our urjatmak mahasus karte hai.

2. Apane hee vicharo me khoye rahana:

Agar aap introvert hai to aapne shyad anek logo se bohot baar asia kuch jarur suna hoga “apani khayali duniya se bahar bhi aaya karo kabhi” ya fir “yee hamesha kya sochte rahte ho” our agar aap introvert nhi hai to aapne apnea as pass kisi na kisi ko hamesha gahari soch me rahate dekha hoga, agar aisa hai to isaki kaafi sambhavana hai ki vo shakhs introvert ho.

Introverts jyada tar apane vicharo me vyast hote hai kyu ki, unhe unke aas-paas jo chal raha hai usase jyada unke dimag me jo chal raha hai usme ruchi hoti hai.

3. Akele kaam karana:

khaali jagah jaha our koi na ho, aas-paas ekdam shanti ho our koi disturb na kare, agar ye 3 chije aapki koi bhi kaam krne ke liye mukhya prathamikataon me hoti hai to shayad aap introvert hai.

Introverts akele me apna kaam behatar our jyada prabhavi tarike se kar sakte hai.

4. Ab kya bolu? :

Jyada tar sambhashan ke samay “ab kya bolu?” yah savaal introverts ke man me hamesha aata hai.

Kya aapke sath aisa hua hai ki aapko kisi baat ke liye sabhi ache javaab aapki baat puri ho jaane ke kuch der bad yad aate hai our aap sochete hai ki kaash ye javaab pahale mere dimaag me aya hota? Aisa introverts ke sath hamesha hota hai.

5. Samaaj me apne aap ko alag mahasus karna:

Hamare samaj me extroverts ki sankhya introverts se jyada hai our manav prachin kal se hi samaj me rahata aaya hai, shayad isee liye hamare samaj me logon se ghul mil kar rahana, jyada se jyada logon ke sampark me rahana achha mana jata hai our jo log aisa nahi kar paate (introverts) unhe aisa karne ke liye baar-baar kaha jata hai. Isee vajah se jyada tar introverts samaj me apane aap ko baaki logon se alag mahasus karte hai.

Agar aapke saath bhi aisa hota hai to ye aapke introvert honeka ek badaa sanket ho sakta hai.

Shy Vs introverted:

Bohot baar log sharmila hona our introverted hona ek hee samazte hai lekin ye bilkul bhi sach nahi hai, sharmila hona our introverted hona dono hee alag-alag chijee hai.

Shy person: Shy matlb sharmila vyakti vo hota hai jo naye logon se baat karne me ya fir anya kisi samajik paristhiti me bechainee, ghabarahat yaa hichkichahat mahasus karata hai. Aisa sharmila pan introverts our extroverts dono me paya ja sakta hai.

Introverted person: introvert vyakti vo hota hai jo jyada samaj ke sampark me rahane ke baad thakavat mahasus karata hai, aisa bilkul bhi jaruri nahi ki vo sharmila ho. Agar dekha jaye to kai introverts aise bhi hai jo samajikata pasand bhi karte hai lekin jitani jaruri ho utani hee der ke liye, uske baad ve fir sr akele me samay bitana pasand kare hai.

Few words from I’m Introvert:

Introversion se sambandhit aisihee janakari paane ke liye ham se jude rahe our aapke comments dvara hame feedback jarur de, jisase ham aapko our bhi behatar seva pradan kar sake.

Our saath hee iss jaankari ko un logo tak jarur pohachaye jinhe isaki jarurat hai.

Also Read:
History of word Introvert in hindi | Introvert shabd ka itihas

Thank you!

History of word Introvert

History of word Introvert ko jaanana kyu jaruri hai? Kyo ki kisi bhi topic ko samazne se pahle uss ka uday kaha se hua ye jaan lene se use samzna aasan ho jata hai. Introvert kya hai? / Introversion kya hai? Isee samzne ke liye hame Introvert shabd ka itihas our Introvert shabd ka origin jaan lena aavashyak hai. Aaj ham iss article me yahi jaanenge.

History of word Introvert

· Carl jung's Personality Theory:

20^th century main Carl Jung namak ek Swiss manochikitsak ne unki ek kitab ‘Psychological Types’ main ek vyaktitv sidhant (The Personality Theory) duniya ke samne rakha. Jismain unhone btaya ki duniya main mukhya roop se do vyaktitv vaale log hote hai, ek Introvert our dusare Extrovert. Yahi se Introvert and Extrovert ka concept prachalit hua.

Carl Jung ke mutabik Extroverts apani energy bahari duniya ki or nirdeshit karte hai, ve jyada logo me ghulane- milane tatha bahari duniya me jyada samay bitane par acha mahasus karte hai. Thik isake viparit Introverts apana samay our energy ekaant me our apane vaicharik gatividhiyo me vyatit karana pasand karte hai. Unhe akele me samay bitana pasand hota hai our usise ve urjatmak (energetic) mahasus karate hai.

Carl Jung ne niche diye gaye 8 prakar ke vyaktitva ke bareme bataya hai:

1. Bahirmukhee soch prakar (The extroverted thinking type)

2. Antarmukhee soch prakar (The introverted thinking type)

3. Bahirmukhee bhavana prakar (The extroverted feeling type)

4. Antarmukhee bhavana prakar (The introverted feeling type)

5. Bahirmukhee sanvedana prakar (The extroverted sensation type)

6. Antarmukhi sanvedana prakar (The introverted sensation type)

7. Bahirmukhee sahaj prakar (The extroverted intuitive type)

8. Antarmukhee sahaj prakar (The introverted intuitive type)

Hans Eysenck's theory:

Introvert and extrovert concept prakhyat hone ke kuch saal bad Hans Eysenck namak ek manochikitsak ne bataya ki kuch logo me introvert our extrovert dono prakar ke vyaktitv ke lakshan dekhe jaa sakte hai, aise logo ko unhone ‘Ambivert’ shabd se sambodhit kiya.

Ambivert log introvert our extrovert ke bich me aate hai. Ve log paristhiti ke anusar introvert ya extrovert vyaktitv ko aatmsat karte hai. Asaan shabdo me kaha jaye to, Ambiverts jab akele hote hai ya unhe kisi kam par vichar kendrit karna hota hai tab ve introverts ki tarah baratav karte hai our jab ve apani family, friends ya baki logo ke sath hote hai tab ve extroverts ki tarah baratav karte hai.

Our iss tarah ham duniyabhar ke logo ka 3 mukhya vyaktitv ke aadhar par vargeekaran kar sakte hai,

Introvert-Ambivert-Extrovert

In 3 mukhya vyaktitv me se yah blog introvert iss vyaktitv par aadharit hai.

General Researches:

Aaj tak anek logon ke vyaktitv par anek prakar ki researches ki gai hai or usme se jadatar researches me ye paya gaya ki duniya me 68% log Ambivert hai our saath he kuch researchers ne ye bhi kaha ki duniya me koi bhi 100% Introvert ya Extrovert nhi hota, har vyakti me yah dono prakar ke vyaktitv hote hai, lekin kuch logo me Extroversion (बहिर्मुखता) jada hota hai jinhe ham Extroverts kah skte hai to kuch logo me Introversion (अंतर्मुखता) jada hota hai jinhe ham Introverts kah sakte hai.

This is all about the History of word introvert. Introvert shabd ka itihas jaan lene ke baad hame Introvert shabd ka origin bhi jaan lena jaruri hai.

The Origin of word introvert:

Introvert yah shabd latin bhasha se liya gya hai, Isme intro matlab (English me) “Inward” tatha vertere matlab “turning” hota hai. In do shabdo se milkar “Introvert” yah shabd bana hai, jo aise vyakti ko darshata jo manasik roop se khud ke bheetar kee or mudata hai. Isee shabd ka hindi anuvaad “Antarmukhi/ अंतर्मुखी” hota hai.

Few words from I’m Introvert:

Yah I’m Introvert iss blog par pahala article hai. Ham aise hi articles iss blog par post krte rahenge or aap ko introverts se sambandhit sampurn our vistrut jaankari dene ki koshish jaari rakhenge.

Aisi hi jaankari paane ke liye ham se jude rahe our hame aap ke comments dwara feedback jarur de taki ham aapko our bhi behatar seva pradan kar sake.

Also Read:

Introduction and Meaning of Introvert in hindi | Introvert ka sahi matlab kya hota hai?

Thank you!

Instagram

Twitter

Kya Introverts brain slow respond karata hain?

Reasons Why some introverts are Slow

Introverts ka brain unake thaughts me busy rahata hain

Most of the introverts are perfectionist

Conclusion:

Kya introverts ko lockdown se fark nahi padata?

Psychology of Introverts in lockdown

No one is 100% introvert or extrovert

Conclusion:

Introverts gap-shap karana kyu pasand nahi karate?

Reasons Why Introverts Hate Small Talk

Introverts are Deep Thinkers

Overthinking

Small Talk Creates Barrier between People

Introverts don’t want to hurt people

Few words from I’m Introvert

Can an introvert become an extrovert? | Kya introverts, extroverts ban sakate hain?

Why an introvert can’t be an extrovert?

Why do people think they changed to introvert from extrovert? | Log aisa kyu sochate hai ki ve introvert se extrovert me badal gaye?

Few words from I’m Introvert:

How to stop overthinking?

Why Introverts Overthink?| Introverts jarurat se jada kyu sochate hain?

5 Tips to Stop Overthinking

1. Write your thoughts | apane vicharo ko likhiye

2. Ask yourself a question |apane aap se ek prashna puchiye

3. Cry | Roiye

4. Read books

5. Realize that you can’t control everything | sab kuch aap ke niyantran me nahi hain ise samaze

Types of Introverts

4 Types of Introverts

Social Introvert:

Thinking Introvert:

Anxious Introvert:

Restrained Introvert:

Introduction and Meaning of Introvert

Definition of introvert:

5 Signs of an introvert:

1. Akele me samay bitana:

2. Apane hee vicharo me khoye rahana:

3. Akele kaam karana:

4. Ab kya bolu? :

5. Samaaj me apne aap ko alag mahasus karna:

Shy Vs introverted:

Few words from I’m Introvert:

History of word Introvert

History of word Introvert

· Carl jung's Personality Theory:

Hans Eysenck's theory:

General Researches:

The Origin of word introvert:

Few words from I’m Introvert:

Labels

recent posts

Blog Archive